2021-yil 15-aprel kuni respublika akademik litseylari bitiruvchi bosqich o‘quvchilarining chet tilini bilish darajasini aniqlash test sinovlarining ikkinchi bosqichi, ya’ni gapirish ko‘nikmasini baholash imtihonlari boshlandi.
Imtihonlar ingliz, nemis va fransuz tillaridan o‘tkazilayotgan bo‘lib, Davlat test markazi tomonidan maxsus ishlab chiqilgan dastur orqali onlayn amalga oshirilmoqda.
Imtihonlarda respublikamizning 65 ta akademik litseyida tahsil olayotgan 5 mingga yaqin bitiruvchi sinf o‘quvchilari ishtirok etishi rejalashtirilgan.
Bunda talabgorlar test topshirish vaqti to‘g‘risidagi ma’lumotni o‘zi tahsil olayotgan akademik litseydan olishlari mumkin.
Gapirish ko‘nikmasini baholash imtihonlari 24-aprel kuniga qadar davom etadi.
Davlat test markazi matbuot xizmati
Imtiyozga ega abituriyentlar va umumiy qabul parametrlari doirasida o‘tish ballari