Amir Temurdıń ómiri, mámleketshilik basqarıwı, áskeriy óneri házirde de xalıqaralıq áhmiyetin joǵaltpaǵanlıǵı belgili. Burınǵı awqam dáwirinde ullı sárkarda haqqında biliw, úyreniw qanshelli qadaǵan etilgen bolsa, búgingi kúnde bul máselelerdi úyreniw, jámiyetshilikke málim etiw sonshelli aktual bolıp barmaqta.  

Búgin Mámleketlik test orayında usı máselelerge arnalǵan “Amir Temur – Ekinshi renessans qáwenderi” temasında alımlar qatnasıwında ushırasıw bolıp ótti. Ilajda Ózbekstan Milliy universiteti docenti Akbar Zamonov, Ózbekstan  Respublikası Ilimler akademiyası Tariyx institutı úlken ilimiy xızmetker Nizomiddin Gulboyev, Mámleketlik test orayı hákimshiligi hám xızmetkerleri qatnastı.

Alımlar tárepinen berilgen sońǵı maǵlıwmatlar, jańalıqlar qatnasıwshılarda úlken qızıǵıwshılıq oyattı. Ullı sárkardanıń jáhán tariyxında tutqan ornınan baslap búgingi kúni turmısımızda paydasın tiygizip atırǵan ólmes miyrası, ásirese, tártip-ilajları, islam dinine, alımlar, ulamalarǵa, pán hám ádebiyatqa, shańaraqqa bolǵan múnásibeti, házirge shekem belgili bolmaǵan tárepleri faktler tiykarında sóylep berildi.

Ushırasıw ilaj qatnasıwshılarında úlken qızıǵıwshılıq oyattı hám ózlerin qızıqtırǵan sorawlarına juwaplar aldı.

.

Sonday-aq, Mámleketlik test orayı xızmetkerleri ushırasıwǵa shekem  Temuriyler tariyxı muzeyinde bolıp, saqıpqıran ómirine tiyisli maǵlıwmatlar menen tanısqan edi. Bul ilajlardıń barlıǵı ullı insan haqqındaǵı bilimlerdi arttırıwǵa xızmet etti.

Mámleketlik test orayı xabar xızmeti