O‘zbekiston Respublikasi Vazirlar Mahkamasi huzuridagi Davlat test markazi direktor o‘rinbosari Batirov Sherzod Negmuratovich rahbarligida Markaz faoliyatiga oid masalalar yuzasidan jismoniy va yuridik shaxslarning murojaatlarini shaxsan ko‘rib chiqish bo‘yicha Andijon va Namangan viloyatlarida sayyor qabul o‘tkazildi.

Sayyor qabul 2019-yil 7-noyabr kuni Andijon shahrida Bank kollejida, 8-noyabr kuni Namangan shahrida Jismoniy tarbiya va sport boshqarmasi binosida abituriyentlar, o‘qituvchilar va ota-onalar ishtirokida bo’lib o’tdi.

Unda O‘zbekiston Respublikasi Prezidentining 2019-yil  14-maydagi “Oliy ta’lim muassasalariga test sinovlari orqali qabul qilish tizimini takomillashtirish bo‘yicha qo‘shimcha chora-tadbirlar to‘g‘risida”gi PQ-4319-son va Vazirlar Mahkamasining 2019-yil 13-maydagi “Oliy ta’lim muassasalariga o‘qishga qabul qilishda milliy hamda xalqaro baholash tizimlari sertifikatlarini tatbiq qilish chora-tadbirlari to‘g‘risida”gi VMQ-395-son qarorlari hamda oliy ta’lim muassasalariga kirish test sinovlaridagi o’zgarishlar va yangiliklar bo’yicha atroflicha ma’lumotlar berildi.

 Uchrashuvlar ochiq muloqot tarzida o‘tkazilib, qatnashchilar o’zlarini qiziqtirgan savollariga javoblar olishdi.

Davlat test markazi matbuot xizmati