2022-yil 7-sentabrdan boshlab test natijasi bo‘yicha apellatsiya bergan talabgorlarning arizalari Apellatsiya komissiyasi tomonidan bevosita talabgor ishtirokida ko‘rib chiqilmoqda.

Bunda har kuni 700 nafar (shanba kuni 400 nafar) talabgorning apellatsiya arizasini ko‘rib chiqish belgilangan:

• OTMlarning bakalavriat ta’lim yo‘nalishlariga kirish test sinovlari bo‘yicha — 600 nafar;
• Xorijiy va nodavlat OTMlardan o‘qishni ko‘chirish test sinovlari bo‘yicha — 100 nafar.

Apellatsiya arizalarini ko‘rib chiqish 4 smenada tashkil etilayotgan bo‘lib, 7-12-sentabr kunlari arizasi ko‘rib chiqilishi belgilangan 3 200 nafar talabgordan 583 nafari (18 %) ishtirok etdi.

Davlat test markazi axborot xizmati