“APTIS for teachers” test sinovlari uchun onlayn ro‘yxatga olish yakunlanishiga 7 kun qoldi

 Davlat test markazi va Britaniya Kengashi tomonidan o‘tkaziladigan “APTIS for teachers” (https://t.me/rasmiydtm/524) test sinovi uchun o‘qituvchilarni onlayn ro‘yxatga olish 2020-yil 17-noyabr kuni boshlangan edi.

 Ro‘yxatga olish jarayoni Davlat test markazining rasmiy (https://dtm.uz/page/aptis) sayti orqali 2020-yil 4-dekabrga qadar davom etadi.

 Onlayn ro‘yxatdan o‘tib, belgilangan muddatda to‘lovni amalga oshirgan o‘qituvchilar uchun test sinovlari 2020-yil 7-dekabr kuni o‘tkaziladi.

 Test sinovida ishtirok etish uchun to‘lov bazaviy hisoblash miqdorining 2,5 baravari (557 500 so‘m) ni tashkil etadi.

 APTIS for teachers imtihoni asosida C darajaga ega bo‘lgan o‘qituvchilarning bazaviy oylik maoshiga tegishliligi bo‘yicha 15 yoki 30 foiz ustama belgilanadi.