Bilimni baholash agentligining “Axborotnoma” ilmiy-uslubiy jurnali “13.00.00 – pedagogika fanlari” mutaxassisligi bo‘yicha Oliy attestatsiya komissiyasining dissertatsiyalar asosiy ilmiy natijalarini chop etishga tavsiya etilgan ilmiy nashrlar ro‘yxatiga kiritilgan.

Bilimni baholash agentligi tomonidan “Axborotnoma” ilmiy-uslubiy jurnalining rasmiy veb-sayti ishlab chiqilib, 2023-yil 12-aprel kuni ishga tushirildi.

Unda “Axborotnoma” ilmiy-uslubiy jurnali va tahririyat hay’ati haqida ma’lumotlar, nashr etilgan jurnallar hamda mualliflar uchun qo‘llanma keltirilgan.

Shuningdek saytda shaxsiy kabinet yaratish va undan foydalanish imkoniyati mavjud bo‘lib, pedagogika sohasining pedagogik o‘lchovlar yo‘nalishi bo‘yicha ilmiy-uslubiy ishlar olib borayotgan professor-o‘qituvchi, mustaqil izlanuvchi, doktorant va soha magistrantlari shaxsiy kabinet orqali dolzarb va ilmiy yangiligi yuqori bo‘lgan ishlarini tahririyat hay’atiga taqdim etishi mumkin.

“Axborotnoma” ilmiy-uslubiy jurnalining rasmiy veb-sayti: ejournal.uzbmb.uz.