Vazirlar Mahkamasining 2018-yil 30-iyuldagi 599-son qarori bilan tasdiqlangan O'zbekiston Respublikasi Bank-moliya akademiyasiga tinglovchilarni qabul qilish tartibi to'g'risidagi nizomga muvofiq Toshkent shahridagi Turin Politexnika universiteti binosida Akademiya magistraturasi uchun test sinovlari o'tkazildi.

Test sinovlarida 389 nafar nomzod ishtirok etishi belgilangan.

Shundan, 12 nafari test sinovlariga kelmadi, 3 nafari jarayon vaqtida tartib-qoidani buzganligi uchun test sinovlaridan chetlashtirildi.

Test materiallari o‘z vaqtida Davlat test markaziga yetkazib kelindi va ayni paytda natijalarni hisoblash ishlari olib borilmoqda.

Test sinovlari natijalari tayyor bo'lgandan so'ng Bank-moliya akademiyasi qabul komissiyasiga taqdim etiladi.