20-iyun kúninen 2022-2023-oqıw jılı ushın joqarı oqıw orınlarınıń bakalavriat tálim baǵdarlarına abiturientlerdi onlayn dizimge alıw baslandı.

Bunda abiturientler telefonların avtorizaciyadan ótkerip, pasport maǵlıwmatları, turaqlı jasaw mánzili hám tamamlaǵan oqıw orınları boyınsha maǵlıwmatların kiritiwleri, sonday-aq, jeńillikleri bolsa, olardı tekserip kóriwleri hám de shet tilinen milliy yamasa xalıqaralıq sertifikatqa iye bolsa, sertifikat maǵlıwmatların kiritiw múmkin.

Tálim baǵdarların bolsa 2022-2023-oqıw jılı ushın qabıllaw parametrleriniń tálim tilleri boyınsha bólistiriliwi tastıyıqlanǵannan soń tańlaw múmkin boladı.

Abiturientlerdi dizimge alıw Mámleketlik test orayınıń my.dtm.uz saytı yamasa birden bir interaktiv mámleketlik xızmetler portalı (my.gov.uz) arqalı onlayn ámelge asırıladı.

Dizimge alıw 20-iyul kúnine shekem (20-iyul kúnide) dawam etedi hám abiturientler 20-iyulǵa shekem óz maǵlıwmatlarına ózgerisler kiritiwleri hám shet tilinen milliy yamasa xalıqaralıq sertifikatqa iye bolatuǵın bolsa, sertifikat maǵlıwmatların kiritiwleri múmkin boladı.

Shet tilinen kásiplik (dóretiwshilik) imtixan ótkeriletuǵın bakalavriat tálim baǵdarlarına onlayn dizimge alıw 10-iyul kúnine shekem (10-iyul kúnide) ámelge asırıladı.