Davlat test markazi huzuridagi Ilmiy-o‘quv amaliy markazi testning klassik va zamonaviy nazariyasi bo‘yicha test natijalari tahlili xizmati (shartnoma asosida) yo‘lga qo‘yilganini ma’lum qiladi.

Bunda Sizdan faqat o‘zingiz tomoningizdan o‘tkazilgan test sinovining natijasini belgilangan shaklda taqdim etish so‘raladi.

Ushbu natijalar bo‘yicha, test variantining validligi, ishonchliligi, distiraktor tahlili, testning differensiyalash imkoniyati, uning qaysi qobiliyatlarni yaxshi baholay olishi, har bir test topshirig‘ining qiyinlik darajasi va test topshiruvchilarning natijalari bo‘yicha alohida qobiliyati aniqlanib, tahlil qilib beriladi.

Xizmat uchun har bir fan va variant uchun alohida shartnoma tuziladi.

Xizmat shartnoma tuzilganidan so‘ng, 6 (olti) ish kuni ichida amalga oshiriladi.

Murojaat uchun telefon: (95) 515-68-68.

Elektron pochta: ilmiy_markaz@dtm.uz.

Davlat test markazi matbuot xizmati