Davlat ramzlari, jumladan, Davlat bayrog‘i har bir mamlakatning suvereniteti va mustaqilligini ifodalovchi muqaddas timsollardan biridir. Yurtimizning har bir fuqarosiga g‘urur, faxr va iftixor bag‘ishlayotgan O‘zbekiston Respublikasi Davlat bayrog‘ining qabul qilinganiga 31 yil to‘ldi. 18-noyabr qutlug‘ sana bo‘lib, barchamiz uchun bayram, unutilmas kun hisoblanadi.

Shu munosabat bilan Davlat test markazida 2022-yil 18-noyabr kuni O‘zbekiston Respublikasining Davlat bayrog‘i to‘g‘risidagi Qonuni qabul qilinganligiga 31 yil to‘lishi munosabati bilan ma’naviy-ma’rifiy tadbir o‘tkazildi.

Mazkur tadbirda O‘zbekiston milliy universitetining Ijtimoiy fanlar fakulteti Sotsiologiya kafedrasi dotsenti X.T.Husanova hamda ommaviy axborot vositalari vakillari ishtirok etdilar.

Nihoyatda qiziqarli, faktlarga boy, qizg‘in suhbat tarzida o‘tgan ushbu tadbir davomida ma’ruzachilar milliy davlatchiligimizning timsoli sifatida bayrog‘imizning qabul qilinishi, dunyo bo‘ylab hilpirayotgani, xalqaro sport musobaqalarida sporchilarimizning kuchiga kuch qo‘shayotganligi va boshqalar to‘g‘risida to‘lqinlanib gapirdilar.

Davlat test markazi axborot xizmati