Raqamli texnologiyalar fuqarolarning davlat xizmatlaridan oson foydalanishiga xizmat qiladi, byurokratik jarayonlarni qisqartiradi, navbatlarda turish zaruratini bartaraf qiladi, vaqtni tejaydi va davlat organlari bilan oʻzaro munosabatlarni soddalashtiradi.

Davlat tashkilotlarida raqamlashtirish darajasi qanchalik yuqori boʻlsa, ular tomonidan aholi va tadbirkorlarga koʻrsatiladigan xizmatlar ham shunchalik qulay va sifatli boʻladi.

Ma’lumki, Raqamli hukumat loyihalarini boshqarish markazi tomonidan barcha davlat idoralari, xo‘jalik tashkilotlari va hokimliklarning raqamlashtirish darajasi muntazam ravishda baholab boriladi. 

2023-yil 24-oktabr kuni “Raqamli hukumat – hukumat insonlar uchun” sammiti doirasida raqamlashtirish bo‘yicha eng yuqori ko‘rsatkichga erishgan tashkilotlar turli nominatsiyalar bo‘yicha taqdirlandi.

Unda Bilim va malakalarni baholash agentligi — eng yaxshi elektron davlat xizmatlarini taqdim qiluvchi tashkilot sifatida e’tirof etildi.