Raqamli hukumat loyihalarini boshqarish markazi tomonidan davlat tashkilotlarining raqamli transformatsiya holati reytingining 2023-yil I yarim yillik yakuni bo‘yicha natijalari e’lon qilindi.

Unda 43 ta davlat organi, 38 ta xo‘jalik organi va 14 ta mahalliy hokimlik, jami 95 ta davlat tashkilotining raqamli transformatsiya holati baholangan.

Baholash 5 ta yo‘nalishda amalga oshirilgan:

• Ochiqlik va elektron ishtirok;
• Elektron davlat xizmatlari;
• Axborot xavfsizligi;
• Faoliyatning raqamlashtirilganligi;
• Tashkiliy masalalar.

Baholash natijalariga ko‘ra tashkilotlar 3 ta toifaga ajratilgan:

• “Yashil” (yaxshi) — 71 dan 100 ballgacha — 38 ta tashkilot;
• “Sariq” (qoniqarli) — 55 dan 71 ballgacha — 41 ta tashkilot;
• “Qizil” (qoniqarsiz) — 55 dan pasti — 17 ta tashkilot.

Bunda Bilimni baholash agentligi 81,74 ball bilan ushbu reytingning “yashil” (yaxshi) toifasidan joy oldi.