Davlat test markazi va uning hududiy bo‘limlari tomonidan bir qator ta’lim muassasalarida ochiq muloqotlar tashkil etildi.

Jumladan,

• 14-dekabr kuni Davlat test markazining Buxoro viloyati bo‘limi xodimlari tomonidan Qorako‘l tumanidagi 5-umumta’lim maktabi va 43-ixtisoslashtirilgan davlat umumta’lim maktabining 100 nafardan ortiq bitiruvchilari va pedagog xodimlari ishtirokida;
• 17-dekabr kuni Namangan viloyati bo‘limi xodimlari tomonidan Namangan viloyati 18-davlat ixtisoslashtirilgan maktab-internatining 20 nafar bitiruvchi sinf o‘quvchilari va 2 nafar o‘qituvchilari ishtirokida;
• 17-dekabr kuni Andijon viloyati bo‘limi xodimlari tomonidan Asaka tumanidagi 24-davlat ixtisoslashtirilgan maktab-internati va Andijon viloyati 35-davlat ixtisoslashtirilgan maktab-internatining 90 nafar bitiruvchi sinf o‘quvchilari va 17 nafar o‘qituvchilari ishtirokida o‘tkazildi.

Tadbirlar 2020/2021 o‘quv yilida o‘tkazilishi rejalashtirilayotgan test sinovlariga oid ma’lumotlar, o‘zgarishlar va kiritilgan yangiliklar hamda Davlat test markazi tomonidan bugungi kunda amalga oshiralayotgan tadbirlar, kelgusida amalga oshirilishi rejalashtirilgan ishlarga bag‘ishlandi.

Muloqotlar davomida qatnashchilarga test topshiriqlari ochiqligini ta’minlash hamda abituriyentlarga qulaylik yaratish maqsadida Davlat test markazi tomonidan ishga tushirilgan e-Sinov tizimi haqida ko‘rgazmali taqdimotlar o‘tkazildi. Abituriyentlarga tizim orqali har bir fan bo‘yicha buyurtmalar berish tartibi, natijalarni qanday olishlari borasida ko‘rsatma va tushunchalar berildi.

Shuningdek, uchrashuv qatnashchilari 2019-yilda chop etilgan test topshiriqlari to‘plamlaridan foydalanish va ularni qayerlardan olish mumkinligi to‘g‘risida batafsil ma’lumot oldilar.

Ochiq muloqotlar davomida test sinovlarini o‘tkazishda adolat mezonlariga amal qilish, ochiqlik va shaffoflikni ta’minlash, korrupsion holatlarni yuzaga keltiruvchi omillar va uning oqibatlari, korrupsiyaning oldini olish borasida Davlatimiz tomonidan olib borilayotgan ishlarga ham batafsil to‘xtalib o‘tildi.

Muloqotlarda o‘quvchilar va o‘qituvchilar o‘zlarini qiziqtirgan barcha savollariga javob oldilar.

Davlat test markazi matbuot xizmati