Ertaga, 26-noyabr kuni soat 15:00 da Davlat test markazining telegramdagi rasmiy kanali (@dtmuzb) orqali ovozli chat o‘tkaziladi.

Ovozli chatda Davlat test markazi direktori o‘rinbosari Sardor Rajabov va tegishli boshqarma boshliqlari ishtirok etadi.

Unda quyidagi mavzular bo‘yicha barchani qiziqtirgan savollarga javob beriladi:

• Vazirlar Mahkamasining 2021-yil 19-noyabrdagi 696-son qarorining mazmun-mohiyati;
• taʼlim tashkilotlari bitiruvchilari baholarining o‘rtacha ko‘rsatkichini hisoblash;
• o‘rtacha ko‘rsatkichni oliy ta’lim tashkilotlariga kirishda inobatga olish;
• professional ta’lim muassasalariga kirish test sinovlarining dastlabki yakunlari va boshqalar.

Mazkur mavzular bo‘yicha o‘zingizni qiziqtirgan savollarni @ovozli_chat_uchun_savollar_bot telegram botiga yuborishingiz mumkin.

Shuningdek, ovozli chat davomida ishtirokchilar qo‘l ko‘tarish funksiyasidan foydalangan holda o‘zlarini qiziqtirgan savollarni berishlari mumkin bo‘ladi.

Davlat test markazi matbuot xizmati