Erteń, 26-noyabr kúni saat 15:00 de Mámleketlik test orayınıń telegramdaǵı rásmiykanalı(@dtmuzb) arqalı dawıslı chat ótkeriledi.

Dawıslı chatta Mámleketlik test orayınıń direktorı orınbasarı Sardor Rajabov hám tiyisli basqarma baslıqları qatnasadı.

Bunda tómendegiler boyınsha bársheni qızıqtırǵan sorawlarǵa juwaplar beriledi:

• Ministerler Kabinetiniń 2021-jıl 19-noyabrdegi 696-sanlı qararınıń mazmun-mánisi;
• Bilimlendiriw mákemeleriniń pitkeriwshileri bahalarınıń ortasha kórsetkishin esaplaw;
• Ortasha kórsetkishti joqarı bilimlendiriw mákemelerine oqıwǵa kiriwde esapqa alıw;
• Professional oqıw orınlarına kiriw test sınaqlarınıń dáslepki juwmaqları hám basqalar.

Usı máseleler boyınsha ózińizdi qızıqtırǵan sorawlardı @ovozli_chat_uchun_savollar_bot telegram botına jiberiwińiz múmkin.

Sonday-aq, dawıslı chat dawamında qatnasıwshılar qol kóteriw funkciyasın paydalanǵan halda ózlerin qızıqtırǵan sorawlardı beriwi múmkin boladı.

Mámleketlik test orayınıń málimleme xızmeti