2020-yil 25-dekabr kuni Biznes va tadbirkorlik oliy maktabi magistraturasiga o‘qishga qabul qilish uchun test sinovlari bo‘lib o‘tdi.
Test sinovlari Farg‘ona, Navoiy, Samarqand viloyatlari va Toshkent shahrida tashkil etilib, unda ishtirok etishi belgilangan 171 nafar talabgordan 122 nafari qatnashdi, 49 nafari esa test sinovlariga kelmadi.
Test sinovlari menejment, kichik biznes va xususiy tadbirkorlik hamda ingliz tili fanlaridan o‘tkazildi.
Bunda har bir fandan 25 tadan jami 75 ta test topshirig‘i va va test topshiriqlarini bajarish uchun 2 soat-u 30 daqiqa vaqt berildi.
Ishtirokchilarning test materiallari tekshirilgandan so‘ng, natijalar Biznes va tadbirkorlik oliy maktabiga taqdim etiladi.
Davlat test markazi matbuot xizmati
O‘zbek tili va adabiyot fanidan milliy sertifikat imtihonlari bo‘yicha bildirilgan fikrlarga rasmiy munosabat