O‘zbekiston Respublikasi Bosh vaziri o‘rinbosarining 2019 yil 26 avgustdagi 14/1–1985-son ko‘rsatmasiga muvofiq O‘zbekiston Bosh prokuraturasi akademiyasi magistraturasiga tinglovchilar qabul qilish doirasida nomzodlar ishtirokida chet tillaridan test sinovlari o‘tkazildi.

Test sinovlari “Xalqaro hamkorlik Markazi” va Davlat test markazining videokuzatuv vositalari bilan jihozlangan katta sig‘imli binolarida tashkil etildi. 

Test sinovlarida 302 ta ingliz, 8 ta nemis, 1 ta fransuz tili bo‘yicha jami 311 nafar nomzod ishtirok etdi. 

Test materiallari o‘z vaqtida Davlat test markaziga yetkazib kelindi.

Ayni paytda yopiq va maxfiy rejimda natijalarni hisoblash ishlari olib borilmoqda. Natijalar tegishli mas’ullarga taqdim etiladi.

Axborot xizmati