2021-2022-oqıw jılı ushın Batır Zakirov atındaǵı Milliy estrada kórkem-óner institutına kiriw test sınaqları 2021-jıl 26-noyabr kúni 2 smenada ótkeriledi. Bunda test sınaqları:

• 1-smenada 10:00den 11:00ge shekem;
• 2-smenada 12:00dan 13:00ge shekem bolıp ótedi.

Test sınaqları bakalavriat tálim baǵdarları ushın májbúriy 3 pánnen, magistratura qánigelikleri ushın shet tili páninen ótkeriledi.

Talabanlarǵa bakalavriat tálim baǵdarları ushın  májbúriy pánlerdiń hár birinen 10 (jámi 30), magistratura qánigelikleri ushın shet tili páninen 30 test tapsırması beriledi.

Test tapsırmaların islew ushın ajıratılǵan waqıt juwaplar betin toltırıw menen birge 1 saattı quraydı.

Bakalavriat tálim baǵdarları ushın test sınaqlarında toplaw múmkin bolǵan maksimal ball – 63 ball bolıp, hár bir durıs juwap ushın 2,1 balldan beriledi. Magistratura qánigelikleri ushın maksimal ball 50 balldı quraydı.

Talabanlar test sınaǵında qatnasıw ushın ruxsatnamanı Mámleketlik test orayınıń my.dtm.uz saytınan onlayn tárizde júklep alıwları múmkin.

Talabanlar test sınaǵı ótkeriletuǵın aymaq (Mámleketlik test orayı)na ruxsatnamada belgilengen waqıttan keshikpesten shaxsın tastıyıqlawshı hújjet hám ruxsatnama menen keliwleri tiyis.

Mámleketlik test orayınıń málimleme xızmeti