2021-2022-o‘quv yili uchun Botir Zokirov nomidagi Milliy estrada san’ati institutiga kirish test sinovlari 2021-yil 26-noyabr kuni 2 smenada o‘tkaziladi. Bunda test sinovlari:

• 1-smenada 10:00 dan 11:00 ga qadar;
• 2-smenada 12:00 dan 13:00 ga qadar bo‘lib o‘tadi.

Test sinovlari bakalavriat ta’lim yo‘nalishlari uchun majburiy 3 ta fandan, magistratura mutaxassisliklari uchun chet tili fanidan o‘tkaziladi.

Talabgorlarga bakalavriat ta’lim yo‘nalishlari uchun majburiy fanlarning har biridan 10 ta (jami 30 ta), magistratura mutaxassisliklari uchun chet tili fanidan 30 ta test topshirig‘i beriladi.

Test topshiriqlarini ishlash uchun ajratilgan vaqt javoblar varaqasini bo‘yash bilan birgalikda 1 soatni tashkil etadi.

Bakalavriat ta’lim yo‘nalishlari uchun test sinovlarida to‘plash mumkin bo‘lgan maksimal ball – 63 ball bo‘lib, har bir tog‘ri javob uchun 2,1 balldan beriladi. Magistratura mutaxassisliklari uchun esa maksimal ball 50 ballni tashkil etadi.

Talabgorlar test sinovida ishtirok etish uchun ruxsatnomani Davlat test markazining my.dtm.uz saytidan onlayn tarzda yuklab olishlari mumkin.

Talabgorlar test sinovi o‘tkaziladigan hudud (Davlat test markazi) ga ruxsatnomada belgilangan vaqtdan kechikmasdan shaxsini tasdiqlovchi hujjat va ruxsatnoma bilan kelishlari lozim.

Davlat test markazi matbuot xizmati