2022-jıl 4-fevral kúni Buxara wálayatında test sınaqların ótkeriw ushın arnawlı qurılǵan Mámleketlik test orayınıń zamanagóy imaratınıń ashılıw saltanatı bolıp ótti.

Aytıp ótiw orınlı, bul imarat respublikada bir dana qurılǵan bolıp, bir waqıttıń ózinde mıńnan aslam talaban test sınaqların tapsırıwı múmkin bolǵan pavilon, videobaqlaw xanası, test sınaqların onlayn ótkeriwge arnalǵan 6 kompyuter xanası, medicina xanası, asxana, dem alıw xanaları hám bólim xızmetkerleri ushın jeterli shárayatqa iye xanalardan ibarat.

Imarat ishinde 28 dana stacionar, 4 dana 360 graduslı kameralar ornatılǵan. Olar arqalı videobaqlaw xanasında test sınaqları processin úzliksiz baqlap barıw imkaniyatı bar. Komplekste ata-analar ushın baǵdarlanǵan kútiw ornıda shólkemlestirilgen.

Sonday-aq, ilaj dawamında ǵalaba xabar quralları ushın press-tur shólkemlestirilip, imarat haqqında barlıq maǵlıwmatlar berildi.

Keleshekte respublikanıń barlıq aymaqlarında test sınaqların jıl dawamında ótkeriw imkániyatın beriwshi usınday imaratlar qurıw rejelestirilgen.

Davlat test markazi matbuot xizmati