2022-yil 4-fevral kuni Buxoro viloyatida test sinovlari o‘tkazish uchun maxsus qurilgan Davlat test markazi zamonaviy binosining rasmiy ochilish marosimi bo‘lib o‘tdi.
Qayd etish kerakki, mazkur bino respublikada yagona bo‘lib, bir vaqtda mingdan ziyod talabgor test topshirishi mumkin bo‘lgan pavilon, videokuzatuv xonasi, test sinovlarini onlayn o‘tkazishga mo‘ljallangan 6 ta kompyuter xonasi, tibbiyot xonasi, oshxona, dam olish xonalari va bo‘lim xodimlari uchun yetarli sharoitga ega xonalardan iborat.
Bino ichida 28 ta statsionar 4 ta 360 gradusli kameralar o‘rnatilgan. Ular orqali videokuzatuv xonasida test sinovlari jarayonini uzluksiz kuzatib borish imkoniyati mavjud. Majmuada ota-onalar uchun mo‘ljallangan kutish joyi ham barpo etilgan.
Shuningdek, tadbir davomida ommaviy axborot vositalari uchun press-tur tashkil etilib, bino to‘g‘risida barcha ma’lumotlar taqdim etildi.
Kelgusida respublikaning barcha hududlarida test sinovlarini yil davomida o‘tkazish imkonini beruvchi mana shunday binolar qurish rejalashtirilgan.
Davlat test markazi matbuot xizmati
Imtiyozga ega abituriyentlar va umumiy qabul parametrlari doirasida o‘tish ballari