Mámleketlik test orayı Ilimiy-metodikalıq keńesiniń 2022-jılı 28-yanvarda ótkerilgen 1-sanlı májilisinde shet tilin biliw dárejesin bahalaw test sınaqlarınıń B1, B2 hám C1 dárejeleri ushın islep shıǵılǵan jańa test specifikaciyaları joybarı kórip shıǵılıp, keńes aǵzaları tárepinen maqullandı hám jańa test specifikaciyaların mart ayınan baslap basqıshpa-basqısh ámeliyatqa engiziw belgilendi.

Usı sebepli, mart ayında bolıp ótetuǵın C1 dáreje ushın inglis tilinen test sınaqları formatına ózgeris kiritilmekte. Bunda tómendegi ózgerisler kózde tutılǵan:

• Tıńlap túsiniw bólimi 5 bólimge ajıratıldı. Bólimge alternativ juwaplı test tapsırmaları menen birgelikte sáykeslendiriwdi talap  etiwshi test tapsırmaları kiritildi.
• Oqıw bóliminde beriletuǵın kórkem tekstler shıǵarıp taslandı.
• Leksikalıq hám grammatikalıq kompetenciyalar bólimi 3 bólimge ajıratıldı. Bólimge alternativ juwaplı test tapsırmaları menen birge sáykeslendiriwdi talap etiwshi test tapsırmaları kiritildi.
• Jazıw bóliminde tapsırmalar ushın belgilengen ballardıń bahalanıwı ózgerdi: 1-tapsırma ushın 10 ball, 2-tapsırma ushın 15 ball, 3-tapsırma ushın  5 ball tárizinde qayta bólistirildi.

Jańa test sınaǵı formatı hám test úlgileri menen tómendegi siltemeler arqalı tanısıw múmkin:

• https://dtm.uz/page/test_sinovlari_formati;
• https://dtm.uz/page/test_namunalari.

Esletpe: Bul ózgerisler mart ayınan baslap ótkeriletuǵın test sınaqlarına engiziledi.