2021-jıl 26-noyabr kúni Mámleketlik test orayında Cambridge Assessment shólkemi menen óz ara birge islesiwdi jánede kúsheytiw boyınsha náwbettegi úshırasıw bolıp ótti.

Úshırasıwda Mámleketlik test orayınıń direktorı orınbasarları Sardor Radjabov hám Sherzod Batirov, Shet tilin biliw hám iyelew dárejesin bahalaw basqarması baslıǵı Javlon Nurmatov, Test sınaqları texnologiyaların rawajlandırıw basqarmasınıń baslıǵı Zafarbek Olimbekov, Mámleketlik test orayı qasındaǵı Ilimiy-oqıw ámeliy orayınıń baslıǵı Akmal Baratov, Xalıq aralıq reytingler boyınsha iskerlikti ámelge asırıw bólimi bas qánigesi Nasimbek Lutfiyev hám Cambridge Assessment shólkeminiń wákili Stephen King qatnastı.

Jıynalısta Mámleketlik test orayı tárepinen bahalaw kriteriyaları, test tapsırmaları specifikaciyası, shólkemlestiriw hám qáwipsizlik sıyaqlı baǵdarlar jańa basqıshqa ótip atırǵanı, bul boyınsha Cambridge Assessment shólkeminiń tájiriybesinen paydalanıw haqqında aytıp ótildi.

Mámleketlik test orayınıń direktorı orınbasarı Sardor Radjabov test tapsırmaları sapasın jánede jaqsılaw maqsetinde pán ekspertleriniń qánigeligin jetilistiriw, bilim hám kónlikpeler almasıw hám basqa da birge islesiw baǵdarları boyınsha sóz etildi.

Sonday-aq, eki shólkem ortasındaǵı birge islesiw baylanısların jánede bekkemlew máqsetinde Memorandumǵa qol qoyıw boyınsha kelisip alındı.

Mámleketlik test orayınıń málimleme xızmeti