Davlat test markazi tomonidan yoshlarning chet tilini o‘rganishga bo‘lgan qiziqishini oshirish va eng bilimlilarini munosib taqdirlash maqsadida tanlov o‘tkazilishi va unda 2021-yil 24-27-mart kunlari o‘tkaziladigan chet tilini bilish va egallash darajasini aniqlash test sinovlarida yuqori natija ko‘rsatgan talabgorlar taqdirlanishi haqida xabar bergan edik.

2021-yil 24-27-mart kunlari Davlat test markazi tomonidan chet tilini bilish va egallash darajasini aniqlash test sinovlari o‘tkazildi va test natijalari my.dtm.uz sayti orqali talabgorlarning shaxsiy kabinetida e’lon qilindi.

Unga ko‘ra B1, B2 va C1 tilni bilish darajalarining har biri bo‘yicha eng yuqori ball to‘plagan quyidagi 3 nafar talabgor g‘olib deb topildi:

• B1 tilni bilish darajasi bo‘yicha U.H.Mukumov (Buxoro viloyati);
• B2 tilni bilish darajasi bo‘yicha B.M.Muxtorov (Andijon viloyati);
• C1 tilni bilish darajasi bo‘yicha J.N.Nurmetov (Xorazm viloyati).

G‘oliblarning barchasi planshet bilan taqdirlanadi.

Sovg‘alar tez orada g‘olib deb topilgan talabgorlarga yetkaziladi.

Davlat test markazi test sinovlarida yuqori natija ko‘rsatgan barcha talabgorlarni tabriklaydi va ularga muvaffaqiyat tilaydi.

Davlat test markazi matbuot xizmati