Davlat test markazi tomonidan yoshlarning chet tilini o‘rganishga bo‘lgan qiziqishini oshirish va eng bilimlilarini munosib taqdirlash maqsadida tanlov o‘tkazilib, 20-aprel kuni tanlov g‘oliblari e’lon qilingan edi.

Unga ko‘ra B1, B2 va C1 tilni bilish darajalarining har biri bo‘yicha eng yuqori ball to‘plagan quyidagi 3 nafar talabgor g‘olib deb topilgan edi:

• B1 tilni bilish darajasi bo‘yicha U.H.Mukumov (Buxoro viloyati);
• B2 tilni bilish darajasi bo‘yicha B.M.Muxtorov (Andijon viloyati);
• C1 tilni bilish darajasi bo‘yicha J.N.Nurmetov (Xorazm viloyati).

Davlat test markazi rahbariyatining Qoraqalpog‘iston Respublikasi va viloyatlarga tashriflari davomida tanlov g‘oliblari bilan uchrashildi va ularning barchasi planshet va boshqa esdalik sovg‘alar bilan taqdirlandi.

Davlat test markazi tanlov g‘oliblarini yana bir bor tabriklaydi va ularga muvaffaqiyat tilaydi.

Davlat test markazi matbuot xizmati