Shet tilin biliw dárejesin bahalaw boyınsha noyabr ayında bolıp ótetuǵın test sınaǵınıń sáneleri belgilendi.

Oǵan bola, test sınaǵınıń jazba bólimi 23-noyabr kúni, sóylew kónlikpesin bahalaw imtixanları 24-25-noyabr kúnleri ótkeriledi.

Test sınaqları Qaraqalpaqstan Respublikası, wálayatlar hám Tashkent qalasında bolıp ótedi.

Talabanlar imtixan bolıp ótetuǵın ornı, kúni hám waqtın my.dtm.uz saytı arqalı “Milliy sertifikatlar” bóliminiń “Mening arizalarim” bóliminen bilip alıwları múmkin.

Talabanlardan test sınaǵı ótkeriletuǵın aymaqqa belgilengen waqıttan keminde yarım saat aldın shaxsın tastıyıqlawshı hújjet penen keliwleri soraladı.

Mámleketlik test orayınıń málimleme xızmeti