Fevral oyida bo‘lib o‘tadigan chet tilini bilish va egallash darajasini aniqlash test sinovlari uchun ro‘yxatdan o‘tish davom etmoqda.

Ro‘yxatga olish my.dtm.uz sayti (Davlat test markazining interaktiv xizmatlar portali) orqali amalga oshirilmoqda.

Buning uchun my.dtm.uz saytida avtorizatsiyadan o‘tish va “Milliy sertifikatlar” bo‘limidan tegishli chet tilini tanlagan holda test sinovlariga ariza berish lozim.

Bunda talabgorlar test topshirish hududi sifatida Qoraqalpog‘iston Respublikasi, viloyatlar va Toshkent shahridan birini tanlab, o‘zlari tanlagan hududda test sinovlarida ishtirok etishlari mumkin.

Test sinovlari yakunlari bo‘yicha eng yuqori ballning kamida 60 foizini to‘plagan shaxslar 2 yil muddatga amal qiluvchi sertifikatga ega bo‘ladi.

Tilni bilish darajasi B2 yoki undan yuqori bo‘lgan sertifikatga ega abituriyentlarga oliy ta’lim muassasalariga kirishda chet tili fanidan imtihonlarsiz belgilangan maksimal ball beriladi.

Davlat test markazi matbuot xizmati