Fevral ayında ótkeriletuǵın shet tilin biliw hám iyelew dárejesin anıqlaw test sınaqları ushın dizimnen ótiw dawam etpekte.

Dizimge alıw my.dtm.uz saytı (Mámleketlik test orayınıń interaktiv xızmetler portalı) arqalı ámelge asırılmaqta.

Bunıń ushın my.dtm.uz saytında avtorizaciyadan ótiw hám “Milliy sertifikatlar” bóliminen tiyisli shet tilin tańlap, test sınaqlarına arza beriw kerek.

Talabanlar test tapsırılatuǵın aymaq sıpatında Qaraqalpaqstan Respublikası, wálayatlar hám Tashkent qalasınan birin tańlap, ózleri tańlaǵan aymaqta test sınaqlarında qatnasıwına boladı.

Test sınaqlarınıń juwmaqları boyınsha eń joqarı baldıń keminde 60 payızın toplaǵan shaxslar 2 jıl múddetke ámel etiwshi sertifikatqa iye boladı.

Tildi biliw dárejesi B2 yaki onnan joqarı bolǵan sertifikatqa iye abiturientlerge joqarı bilimlendiriw mekemelerine kiriwde shet tili páninen imtixanlarsız belgilengen maksimal ball beriledi.

Mámleketlik test orayı xabar xızmeti