Ma’lumki, 2020-yil 7-9-iyul kunlari chet tilini bilish va egallash darajasini aniqlash test sinovlari o‘tkazilib, test natijalari 15-iyul kuni e’lon qilindi.

Talabgorlarga qulaylik yaratish maqsadida mazkur test sinovlaridan muvaffaqiyatli o‘tgan talabgorlarning sertifikatlari ularning shaxsiy kabinetiga joylashtirildi.

Siz shaxsiy kabinetingiz (https://dtm.uz/page/cefr)dan sertifikat rasmini yuklab olishingiz va oliy ta’lim muassasalariga o‘qishga kirish uchun ro‘yxatdan o‘tish (abitur.dtm.uz)da undan foydlanishingiz mumkin. Buning uchun quyidagi qadamlarni amalga oshirish lozim:

• 1-qadam: Shaxsiy kabinetingiz (https://dtm.uz/page/cefr)dan sertifikat rasmini yuklab olasiz.
• 2-qadam: Abituriyentlarni onlayn ro‘yxatga olish tizimi (abitur.dtm.uz sayti)dan “Imtiyozlar-2020” bo‘limiga kirib, Chet tili sertifikatini “Qo‘shish” tugmasini bosasiz.
• 3-qadam: Ochilgan oynaga tegishli ma’lumotlarni kiritib, sertifikat rasmini yuklagan holda, “Saqlash” tugmasini bosasiz.

Shundan so‘ng, sertifikat tizimga yuklanadi.

Sertifikatlarning asl nusxalari esa epidemiologik vaziyat yaxshilanganidan so‘ng Davlat test markazi va uning hududiy bo‘limlari orqali talabgorlarga yetkazish rejalashtirilgan.

Davlat test markazi matbuot xizmati