2023-yil 10-11-iyun kunlari chet tilini bilish darajasini aniqlash test sinovlari yozma qismining birinchi yarmi bo‘lib o‘tgan edi.

Imtihonlar 17-18-iyun kunlari davom ettirilib, test sinovlarining yozma (tinglab tushunish, o‘qish, yozma ish) qismi yakunlandi.

Test sinovlari talabgorlarga qulay bo‘lishi uchun barcha hududlarda, jumladan Qoraqalpog‘iston Respublikasi, viloyatlar va Toshkent shahrida tashkil etildi.

Test sinovining yozma qismida jami 135 nafar talabgor tartib-qoidani buzgani uchun test sinovidan chetlatildi (10-11-iyun — 42 nafar, 17-18-iyun — 93 nafar).

Gapirish ko‘nikmasini baholash imtihonlari 12-iyun kuni boshlangan bo‘lib, 1-iyulga qadar davom etadi.

Izoh: Test sinovi natijalari Vazirlar Mahkamasining qaroriga muvofiq imtihonlar yakunlangandan so‘ng bir haftada (8-iyul kuni) e’lon qilinadi.