Magistratura hám doktoranturaǵa oqıwǵa kiriw ushın shet tilinen sertifikat alıwdı qálewshi talabanlardıń múrájátlerinen kelip shiǵıp olarǵa qosımsha múmkinshilik jaratıw maqsetinde talabanlardı dizimge alıw múddeti uzaytırıldı.

Oǵan muwapıq, shet tilin biliw dárejesin anıqlaw test sınaqlarında qatnasıwdı qálewshi talabanlar 17-19-noyabr kúnleri my.gov.uz saytı arqalı shet tili imtixanlarına dizimnen ótiwleri múmkin.

Bunda test sınaqlarınıń jazba (tıńlap túsiniw, oqıw, jazba jumıs) bólimi 26-27-noyabr kúnleri, sóylew kónlikpesin bahalaw imtixanları bolsa 30-noyabr hám 1-7-dekabr kúnleri ótkeriledi.

Test sınaqları barlıq aymaqlarda shólkemlestiriledi hám inglis, nemis, francuz, ispan, italyan, qıtay, koreys, yapon, túrk, arab, parsı, dariy, urdu, hindiy hám pushtu tillerinen bolıp ótedi.