Shet tilinen sertifikatqa iye abiturientler dizimnen ótiwde sertifikat maǵlıwmatların sistemaǵa kirgizetuǵınlıǵı málim. 

Házirgi kúnde bul maǵlıwmat tiykarında Mámleketlik test orayı tárepinen sertifikatlardıń haqıyqıylıǵı tekserilmekte hám olarǵa 3 túrli status berilmekte:

• Sertifikat baǵdarlamaǵa kirgizilgende – “Tekshirilmoqda”.
• Sertifikattıń haqıyqıylıǵı hám jeńillik beriw ushın talapqa juwap beriwi anıqlanǵanda – “Tasdiqlandi”.
• Sertifikattıń haqıyqıylıǵı tastıyıqlanbasa yaki jeńillik beriw ushın talapqa juwap bermese – “Tasdiqlanmadi”.

Bunda sertifikatı tastıyıqlanbaǵan abiturientlerge sertifikattıń ne ushın tastıyıqlanbaǵanlıǵınıń sebebi de keltiriledi.

Házirgi kúnge shekem Mámleketlik test orayı tárepinen 6 000 nan ziyat sertifikatlar tekserildi hám 450 den artıq sertifikatlar talapqa juwap bermeytuǵınlıǵı anıqlandı.

Tekseriw barısında qálbeki sertifikatlar da anıqlanıp atırǵan bolıp, sertifikatlardı qálbekilestirgen abiturientler test sınawlarına jiberilmeydi hám olarǵa nızamda belgilengen shara kóriledi.

Sertifikatlardı tekseriw belgili bir waqıt talap etiwine baylanıslı shet tili sertifikatına iye abiturientlerden sertifikatlardı 18-iyulge shekem kirgiziwin soraymız.

Mámleketlik test orayı xabar xızmeti