Ma’lumki, chet tillaridan sertifikatga ega abituriyentlar ro‘yxatdan o‘tishda sertifikat ma’lumotlarini tizimga kiritadi.

Hozirda mazkur ma’lumotlar asosida Davlat test markazi tomonidan sertifikatlarning haqiqiyligi tekshirilmoqda va ularga 3 xil status berilmoqda:

• Sertifikat dasturga kiritilganda – “Tekshirilmoqda”.
• Sertifikatning haqiqiyligi va imtiyoz berish uchun talabga javob berishi aniqlanganda – “Tasdiqlandi”.
• Sertifikatning haqiqiyligi tasdiqlanmasa yoki imtiyoz berish uchun talabga javob bermasa – “Tasdiqlanmadi”.

Sertifikatlarni tekshirish ma’lum vaqt talab etishini inobatga olgan holda, chet tili sertifikatiga ega abituriyentlardan sertifikatlarini 21-iyulga qadar kiritishlarini so’raymiz.

Davlat test markazi matbuot xizmati