Ministrler Kabinetiniń 2022-jıl 19-yanvardaǵı 34-sanlı qararı menen 6 joqarı oqıw orınlarına oqıwǵa kiriwde shet tilinen kásiplik (dóretiwshilik) imtixan ótkeriliwi belgilengen.

Oǵan bola 2022-2023-oqıw jılı qabıllawınan baslap shet tiller boyınsha qánigelerdi tayarlawǵa qánigelesken

• Ózbekstan mámleketlik jáhán tilleri universiteti;
• Samarqand mámleketlik shet tilleri institutı;
• Tashkent mámleketlik shıǵıstanıw universitetiniń

pánler kompleksine birinshi pán shet tili sıpatında kiritilgen bakalavriat tálim baǵdarlarına hám de

• Tashkent mámleketlik pedagogika universiteti;
• Qoqan mámleketlik pedagogika institutı;
• Nókis mámleketlik pedagogika institutınıń

shet tilleri boyınsha pedagoglardı tayarlawshı bakalavriat tálim baǵdarlarına kiriw imtixanlarında shet tili páninen tıńlap túsiniw, oqıw, jazıw hám sóylew kompetenciyaların anıqlaw hám bahalawǵa qaratılǵan kásiplik (dóretiwshilik) imtixan ótkeriledi.

Mámleketlik test orayınıń rásmiy veb-saytına kásiplik (dóretiwshilik) imtixan formatı (barlıq tiller ushın) hám test úlgileri (inglis tilinde) jaylastırılǵan bolıp, olar menen tómendegi siltemeler arqalı tanısıw múmkin:

• https://dtm.uz/page/format_kasbiy;
• https://dtm.uz/page/test_namunalari_kasbiy.