Málum bolǵanınday, Ministrler Kabinetiniń 2022-jıl 16-fevraldaǵı 73-sanlı qararı menen shet tilinen kóp dárejeli (Multi-level) test sisteması eńgizildi.

Usı qararda belgilengen wazıypalardıń orınlanıwın támiynlew maqsetinde Mámleketlik test orayı tárepinen sistemalı jumıslar ámelge asırılmaqta.

• 2022-jıl 26-fevral kúni kóp dárejeli test sisteması format hám test úlgileri jariyalandı;
• 2022-jıl 7-mart kúni Birden-bir interaktiv mámleketlik xızmetleri portalı (my.gov.uz saytı) arqalı talabanlardı onlayn dizimge alıw jolǵa qoyıldı;
• 2022-jıl 14-mart kúni “Shet tilinen kóp dárejeli (Multi-level) test format hám bahalaw kriteriyaları” temasında vebinar shólkemlestirildi.

Sonday-aq, búgin shet tilin biliw dárejesin anıqlawdıń kóp dárejeli test sisteması boyınsha islep shıǵılǵan test tapsırmalarınıń náwbettegi aprobaciyası ótkerildi.

Test tapsırmaları aprobaciyası inglis tilinen ótkerildi hám onda 122 talaban qatnastı.

Aprobaciya nátiyjeleri analiz etilip, test tapsırmaları qaytadan kórip shıǵıladı hám test tapsırmalarına tiyisli ózgerisler kirgiziledi.

Mámleketlik test orayınıń málimleme xızmeti