Davlat test markazi huzuridagi Ilmiy-o‘quv amaliy markazi tomonidan “Chet tillaridan milliy sertifikat uchun test topshiriqlarini shakllantirish” bo‘yicha malaka oshirish kursi yo‘lga qo‘yildi.

Malaka oshirish kursi 24 soatga mo‘ljallangan bo‘lib, dastlabki kurs 28-oktabr kunidan boshlanadi.

Unda tinglovchilarga chet tilidan yozish va gapirish ko‘nikmalarini baholash bo‘yicha nazariy va amaliy mashg‘ulotlar o‘tkaziladi.

Malaka oshirish kursi Davlat test markazi va Davlat test markazi huzuridagi Ilmiy-o‘quv amaliy markazining malakali mutaxassislari tomonidan o‘zbek tilida olib boriladi.

Malaka oshirish kursida ishtirok etish istagini bildirgan talabgorlar 26-oktabr kuniga qadar my.dtm.uz sayti orqali onlayn ro‘yxatdan o‘tib, to‘lovni amalga oshirgan holda kursda ishtirok etishlari mumkin.

Murojaat uchun telefon: (95) 515-68-68.

Davlat test markazi matbuot xizmati