2023-yil 10-11-iyun kunlari chet tilini bilish darajasini aniqlash test sinovlari yozma qismining birinchi yarmi bo‘lib o‘tdi.
Test sinovlari talabgorlarga qulay bo‘lishi uchun barcha hududlarda, jumladan, Qoraqalpog‘iston Respublikasi, viloyatlar va Toshkent shahrida tashkil etildi.
Ming afsuski, ayrim talabgorlar test sinoviga o‘z bilimiga ishongan holda emas, balki turli qing‘ir yo‘llarni o‘ylagan holda kelmoqdalar.
Jumladan, 10-11-iyun kunlari o‘tkazilgan test sinovlarida 42 nafar talabgor tartib-qoidani buzgani uchun test sinovidan chetlatildi.
Ma’lumot uchun: yozma imtihonning ikkinchi yarmi 17-18-iyun kunlari bo‘lib o‘tadi. Gapirish ko‘nikmasini baholash imtihonlari esa bugundan boshlandi va 1-iyulga qadar davom etadi.
O‘zbek tili va adabiyot fanidan milliy sertifikat imtihonlari bo‘yicha bildirilgan fikrlarga rasmiy munosabat