2022-jıl 16-17-18-iyun kúnleri shet tilin biliw dárejesin anıqlaw test sınaqlarınıń jazba (tıńlap túsiniw, oqıw, jazba jumıs) bólimi bolıp ótti.

Test sınaqları ingliz tilinen jańa format tiykarında kóp dárejeli sistemada, basqa tillerden bolsa B1, B2 hám C1 tildi biliw dárejeleri boyınsha ótkerildi.

Imtixanlar talabanlarǵa qolay bolıwı ushın Qaraqalpaqstan Respublikası, wálayatlar hám Tashkent qalasında shólkemlestirildi.

Bunda jámi 10 799 talabannan 10 521 talaban qatnastı. 34 talaban bolsa tártip-qaǵıydanı buzǵanlıǵı sebepli test sınaqlarınan shetlestirildi.

Test sınaqlarında qatnasqan talabanlar ushın sóylew kónlikpesin bahalaw imtixanları 20-28-iyun (26-iyunnan tısqarı) kúnleri bolıp ótedi.