2022-jıl 26-27-noyabr kúnleri shet tilin biliw dárejesin anıqlaw test sınaqlarınıń jazba (tıńlap túsiniw, oqıw, jazba jumıs) bólimi bolıp ótti.

Test sınaqları inglis, nemis hám arab tillerinen kóp dárejeli sistemada, basqa tillerden bolsa B2 hám C1 tildi biliw dárejeleri boyınsha ótkerildi.

Imtixanlar talabanlarǵa qolay bolıwı ushın Qaraqalpaqstan Respublikası, wálayatlar hám Tashkent qalasında shólkemlestirildi.

Onda jámi 9 282  talabannan 8 774 talaban qatnastı. 26 talaban bolsa tártip-qaǵıydanı buzǵanı ushın test sınaǵınan shetlestirildi.

Test sınaqlarında qatnasqan talabanlar ushın sóylew kónlikpesin bahalaw imtixanları 29-30-noyabr hám 1-7-dekabr kúnleri bolıp ótedi.