Davlat test markaziga abituriyentlar tomonidan Chet tilini bilish darajasini aniqlash test sinovlari bo‘yicha ko‘plab murojaatlar bo‘lmoqda.

Murojaatlarning asosiy qismi test sinovlari qaysi muddatlarda o‘tkazilishi va qaysi hududlarda tashkil etilishi bilan bog‘liq.

Chet tilini bilish darajasini aniqlash test sinovlari 2021-yil 1-yarim yillikda may oyidan tashqari barcha oylarda o‘tkaziladi.

Bunda test sinovlari yanvar, mart, iyun oylarida barcha tillardan, fevral va aprel oylarida ingliz, nemis va fransuz tillaridan bo‘lib o‘tadi.

Hozirda yanvar oyi uchun hujjatlarni qabul qilish davom etmoqda. Hujjatlarni qabul qilish 8-yanvar kuni yakunlanadi.

Yanvar oyida o‘tkaziladigan Chet tilini bilish darajasini aniqlash test sinovlari Qoraqalpog‘iston Respublikasi, viloyatlar va Toshkent shahrida bo‘lib o‘tadi.

Davlat test markazi matbuot xizmati