2019-yil 16-oktabr kuni Chet tilini bilish darajasini aniqlash va malaka sertifikati berish uchun test sinovi ("Tinglab tushunish", "O'qish", "Leksik va grammatik kompetensiyalar") va "Yozish" ko'nikmasini baholash imtihoni bo'lib o'tdi.

Test sinovi ingliz, nemis, fransuz, koreys, xitoy, yapon, arab va turk tillari uchun B1, B2 va C1 tilni bilish darajalari bo'yicha o'tkazildi.

Jarayonda jami 455 nafar talabgordan 438 nafari ishtirok etdi, 17 nafari test sinoviga kelmadi, 1 nafar talabgor tartib-qoidani buzgani uchun test sinovidan chetlashtirildi.

Test sinovida ishtirok etgan talabgorlar uchun "Gapirish" ko'nikmasini baholash imtihoni 17-18 oktabr kunlari bo'lib o'tadi.

Davlat test markazi barcha talabgorlarga muvaffaqiyat tilaydi!

Davlat test markazi matbuot xizmati