2021-jıl 7-may kúni saat 15:00 den 16:00 ge shekem Mámleketlik test orayınıń telegramdaǵı rásmiy kanalı arqalı náwbettegi ashıq pikirlesiw ótkerildi.

Onda Mámleketlik test orayı tárepinen ótkeriletuǵın:

• Shet tilin biliw hám iyelew dárejesin anıqlaw test sınaǵı;
• Shet tiller oqıtıwshılarınıń bazalıq lawazım is haqılarına aylıq ústeme belgilew test sınaǵı;
• “Oqıtıwshılar ushın Aptis” uqıplılıq test sınaǵı boyınsha maǵlıwmat hám sorawlarǵa juwaplar beriledi.

Ashıq pikirlesiw telegramnıń dawıslı chat funkciyasınan paydalanılǵan halda shólkemlestiriledi hám qatnasıwshılar qol kóteriw funkciyasınan paydalanǵan halda óz sorawların beriwi múmkin boladı.

Dawıslı chat funkciyası islewi ushın telegramnıń aqırǵı versiyası bolıwı kerek. Eger sizde telegramnıń aqırǵı versiyası ornatılmaǵan bolsa, baǵdarlamanı jańalap alıwdı umıtpań.

Mámleketlik test orayı xabar xızmeti