2021-yil 24-25-yanvar kunlari chet tilini bilish va egallash darajasini aniqlash test sinovlari bo‘lib o‘tdi.

Bunda 24-yanvar kuni test sinovlarining yozma qismi (tinglab tushunish, o‘qish, leksik va grammatik kompetensiyalar, yozish), 25-yanvar kuni esa gapirish ko‘nikmasini baholash imtihonlari o‘tkazildi.

Unda ishtirok etishi belgilangan 437 nafar talabgordan 425 nafari ishtirok etdi.

Gapirish ko‘nikmasini baholash imtihonlari Toshkent shahrida Davlat test markazi binosida talabgorlar bilan yuzma-yuz gaplashgan holda, Qoraqalpog‘iston Respublikasi va viloyatlarda esa Zoom platformasi orqali o‘tkazildi.

Test sinovlari ingliz, nemis, fransuz, xitoy, yapon, koreys, turk, arab va fors tillaridan A2, B1, B2 va C1 tilni bilish darajalari bo‘yicha bo‘lib o‘tdi.

Kelgusi oylardagi imtihonlar ham yanvar oyida bo‘lgani kabi Qoraqalpog‘iston Respublikasi, viloyatlar va Toshkent shahrida o‘tkaziladi.

Davlat test markazi matbuot xizmati