2020-yil 7-8-iyul kunlari chet tilini bilish va egallash darajasini aniqlash test sinovlarining yozma (tinglab tushunish, o‘qish, leksik va grammatik kompetensiyalar, yozma ish) qismi bo‘lib o‘tdi.

Test sinovlari ingliz, nemis, fransuz, xitoy, yapon, koreys, turk, arab va fors tillaridan A2, B1, B2 va C1 tilni bilish darajalari bo‘yicha o‘tkazildi.

Unda jami 608 nafar talabgordan 510 nafari ishtirok etdi, 98 nafari esa test sinovlarida qatnashmadi.

Test sinovlari yurtimizdagi epidemiologik vaziyatdan kelib chiqqan holda, Qoraqalpog‘iston Respublikasi, viloyatlar va Toshkent shahrida sanitariya-gigiyena talablariga to‘liq rioya etilgan holda o‘tkazildi.

Test sinovlarida ishtirok etgan talabgorlar uchun gapirish ko‘nikmasini baholash imtihonlari 9-10-11-iyul kunlari bo‘lib o‘tadi.

Talabgorlar imtihon joyi, kuni va vaqtini Davlat test markazining rasmiy veb-saytidan (https://dtm.uz/page/cefr) shaxsiy kabineti orqali bilib olishlari mumkin.

Barchangizga omad tilaymiz!!!

Davlat test markazi matbuot xizmati