2020-yil 7-iyul kuni chet tilini bilish va egallash darajasini aniqlash test sinovlarining yozma (tinglab tushunish, o‘qish, leksik va grammatik kompetensiyalar, yozma ish) qismi boshlandi.

Bunda test sinovlari to‘liq sanitariya-gigiyena talablariga rioya etgan holda o‘tkazilmoqda. Jumladan:

• test sinovi o‘tkaziladigan binolar dezinfeksiya qilindi;
• nomzodlar dezinfeksiyalash yo‘lakchasi orqali kiritildi;
• ularning tana harorati 2 marotaba o‘lchandi;
• antiseptik vositalar bilan qo‘llar dezinfeksiya qilindi;
• har bir nomzodga yangi niqob va qo‘lqop berildi;
• nomzodlar orasida yetarli masofa saqlangan holda, har bir nomzodga 3 metr kvadratdan kam bo‘lmagan joy ajratildi.

Test sinovlari yurtimizdagi epidemiologik vaziyatdan kelib chiqqan holda, Qoraqalpog‘iston Respublikasi, viloyatlar va Toshkent shahrida bo‘lib o‘tmoqda.

Davlat test markazi matbuot xizmati