Mámleketlik test orayı tárepinen interaktiv xızmetler portalı (my.dtm.uz) iske qosılǵan bolıp, basqıshpa-basqısh barlıq xızmetler usı portalǵa ótkerilmekte.

Usı waqıtqa deyin milliy test sisteması, diagnostikalıq test sınaqları hám tájiriybe arttırıw kursları ushın dizimge alıw interaktiv xızmetler portalına ótkerilgen edi.

Endilikte shet tilin biliw hám iyelew dárejesin anıqlaw test sınaqları ushın dizimnen ótiw de my.dtm.uz saytı arqalı ámelge asırıladı.

Bunıń ushın talabanlar dáslep interaktiv xızmetler portalınan dizimnen ótiwi kerek. Soń “Milliy sertifikatlar” bóliminen tiyisli shet tilin tańlap, test sınaqlarına arza beriwine boladı.

Bunda, tiyisli shet tilinen tısqarı test tapsırılatuǵın orın, aymaq hám tildi biliw dárejesin tańlaw jetkilikli.

Mámleketlik test orayı xabar xızmeti