2020-yil 22-23-oktabr kunlari o‘tkazilgan chet tilini bilish va egallash darajasini aniqlash test sinovlarida qatnashib, ulardan muvaffaqiyatli o‘tgan talabgorlar 4-noyabrdan o‘z sertifikatlarini olib ketishlari mumkinligini ma’lum qilamiz.

Sertifikatlarni Toshkent shahrida Davlat test markazi binosidan 4-noyabrdan boshlab, Qoraqalpog‘iston Respublikasi va viloyatlarda Davlat test markazining hududiy bo‘limlaridan 9-noyabrdan boshlab olishlari mumkin.

Eslatib o‘tamiz, sertifikat olish uchun talabgorning o‘zi shaxsini tasdiqlovchi hujjat bilan kelishi talab etiladi.

Davlat test markazi matbuot xizmati