Chet tili o‘qituvchilarining bazaviy lavozim maoshlariga oylik ustama belgilash test sinovlarining yozma qismidan muvaffaqiyatli o‘tgan talabgorlar uchun «Gapirish» ko‘nikmasini baholash imtihoni sanasi belgilandi.
Unga ko‘ra test sinovlarining «Gapirish» ko‘nikmasini baholash imtihoni 2021-yil 19-20-yanvar kunlari Respublikamizning barcha hududlarida bo‘lib o‘tadi.
Talabgorlar imtihon joyi, kuni va vaqtini Davlat test markazining rasmiy-veb-sayti (https://dtm.uz/page/ustama) dan shaxsiy kabineti orqali bilib olishlari mumkin.
Talabgorlardan imtihon o‘tkaziladigan hududga belgilangan vaqtdan kamida 15 daqiqa oldin shaxsini tasdiqlovchi hujjat – pasport bilan kelishlari so‘raladi.
Imtihonga kelmagan talabgorlar uchun qo‘shimcha imtihon o‘tkazilmaydi.
Davlat test markazi matbuot xizmati
O‘zbek tili va adabiyot fanidan milliy sertifikat imtihonlari bo‘yicha bildirilgan fikrlarga rasmiy munosabat