2022-yil 14-15-aprel (yozma) hamda 18-25-aprel (gapirish) kunlari o‘tkazilgan chet tillar o‘qituvchilarining chet tilini bilish darajasini aniqlash test sinovi natijalari e’lon qilindi.
Test natijalari my.gov.uz saytida e’lon qilingan bo‘lib, test sinovida ishtirok etgan talabgorlar “Mening arizalarim” bo‘limida o‘z natijalari bilan tanishishlari mumkin.
Shuningdek, test sinovidan muvaffaqiyatli o‘tgan chet tillar o‘qituvchilari tegishli ma’lumotnomani elektron tarzda yuklab olishlari mumkin.
Chet tilini bilish darajasi to‘g‘risida ma’lumotnoma imtihondan muvaffaqiyatli o‘tgan chet tillar o‘qituvchilariga uch yil muddatga beriladi.
Eslatib o‘tamiz, o‘z natijasidan norozi bo‘lgan talabgorlar test natijalari e’lon qilingan kundan boshlab 3 ish kuni ichida my.gov.uz sayti orqali apellatsiya shikoyati berishlari mumkin.
Davlat test markazi axborot xizmati
O‘zbek tili va adabiyot fanidan milliy sertifikat imtihonlari bo‘yicha bildirilgan fikrlarga rasmiy munosabat