2022-yil 11-17-fevral kunlari chet tillar o‘qituvchilarining bazaviy lavozim maoshlariga oylik ustama belgilash test sinovlarining ikkinchi bosqichi, ya’ni gapirish ko‘nikmasini baholash imtihonlari bo‘lib o‘tdi.

Imtihonlar barcha hududlarda Davlat test markazi tomonidan maxsus ishlab chiqilgan dastur orqali onlayn tarzda o‘tkazildi.

Imtihonda ingliz, nemis, fransuz, ispan, italyan, xitoy, koreys, yapon, turk, arab va fors tillari bo‘yicha chet tillar o‘qituvchilari ishtirok etdi.

Imtihonlardan muvaffaqiyatli o‘tgan o‘qituvchilarga tegishli ma’lumotnoma beriladi.

Ushbu ma’lumotnomaga ega bo‘lgan va belgilangan talablarni bajargan o‘qituvchilarning bazaviy lavozim maoshlariga 15 % yoki 30 % miqdorida ustama belgilanadi.

Test sinovlarining ijobiy natijasi 3 yil muddatga amal qiladi.

Davlat test markazi matbuot xizmati