2022-jıl 14-15-aprel kúnleri shet tiller oqıtıwshılarınıń shet tilin biliw dárejesin anıqlaw test sınaqları (jazba bólim) bolıp ótken edi.

Test sınaqlarınıń jazba bóliminde qatnasqan talabanlar ushın 18-25-aprel kúnleri sóylew kónlikpesin bahalaw imtixanları shólkemlestirildi.

Imtixanlar barlıq aymaqlarlarda Mámleketlik test orayı tárepinen arnawlı islep shıǵılǵan programma arqalı elektron tárizde ótkerildi.

Onda inglis, nemis, francuz, qıtay, koreys, yapon, túrk, arab hám italyan tiller boyınsha 3 400 den aslam talaban qatnastı.

Talabanlardıń sóylew kónlikpesin bahalaw autsorsing tiykarında respublikamızdıń túrli aymaqlarında jumıs alıp barıp atırǵan tájiriybeli qánigeler tárepinen ótkerildi.

Mámleketlik test orayınıń málimleme xızmeti