O‘zbekiston Respublikasi Vazirlar Mahkamasining 2022-yil 12-martdagi 120-F sonli Farmoyishiga muvofiq Qoraqalpog‘iston Respublikasi Vazirlar Kengashi Raisining, viloyatlar va Toshkent shahar, shuningdek, tumanlar (shaharlar) hokimlarining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosarlari uchun joriy yil 18-mart kuni test sinovlari bo‘lib o‘tdi.

Tadbir O‘zbekiston Respublikasi Prezidenti huzuridagi Davlat boshqaruv akademiyasi binosida tashkil etilib, unda 186 nafar talabgor ishtirok etdi.

Test sinovlari 14-18-mart kunlari bo‘lib o‘tgan seminar-trening o‘quv rejalari bo‘yicha Davlat boshqaruv akademiyasi tomonidan shakllantirilgan test topshiriqlari asosida elektron shaklda o‘tkazildi.

Bunda talabgorlarga 40 ta test topshirig‘i va ularni ishlash uchun 1 soat-u 40 daqiqa vaqt berildi.

Davlat test markazi matbuot xizmati