Hurmatli abituriyentlar va ota-onalar!

2020-2021-o‘quv yilida davlat oliy ta’lim muassasalarining bakalavriatiga qabul test sinovlari o‘tkazish muddati tobora yaqinlashib kelmoqda. 20-iyundan boshlab, onlayn ro‘yxatdan o‘tish boshlanadi. Shu bois, Davlat test markaziga murojaatlar oqimi keskin ko‘payib bormoqda. Ularning orasida Davlat test markazining vakolati doirasiga kirmaydigan jarayonlar bo‘yicha kelayotganlari ham oz emas.

Shularni hisobga olib, abituriyentlarga yordam sifatida saytimizda davlat oliy ta’lim muassasalarining qo‘ng‘iroqlar (koll) markazlari raqamlari ro‘yxati e’lon qilindi. Barcha tegishli masalalar yuzasidan ro‘yxatda keltirilgan telefon raqamlari orqali bevosita bog‘lanishingiz va savollaringizga to‘liq javob olishingiz mumkin.

Davlat test markazi matbuot xizmati