Mámleketlik test orayınıń abiturientlerdi dizimge alıw sisteması Mámleketlik personallastırıw orayı menen integraciya qılınǵan bolıp, abiturientlerdiń pasport maǵlıwmatları Mámleketlik personallastırıw orayınan alınadı.

Bunıń ushın abiturient dizimnen ótiw waqtında jeke identifikaciya nomeri hám de pasport seriyası hám nomerin baǵdarlamaǵa kirgizgende, bul maǵlıwmatlar tiykarında Mámleketlik personallastırıw orayına soraw jiberilip, abiturienttiń familiyası, atı, ákesiniń atı, tuwılǵan sánesi, súwreti sıyaqlı maǵlıwmatlar Mámleketlik personallastırıw orayınıń bazasınan real waqıtta alınadı.

Házirde Mámleketlik personallastırıw orayı bazası islemey atırǵanlıǵı sebepli, my.dtm.uz saytında úzilisler kelip shıqpaqta.

Házirde Mámleketlik personallastırıw orayı tárepinen bul mashqalanı saplastırıw boyınsha tiyisli jumıslar alıp barılmaqta.

Mámleketlik test orayı xabar xızmeti